Sustainable Living Summit: Taktu þátt í breytingum!
Er sjálfbærni þér hugleikin? Nú hefur þú tækifæri til að læra meira og taka þátt í mikilvægu samtali á ráðstefnu um sjálfbæran lífsstíl á Sustainable Living Summit sem fer fram þann 15. október 2024.
RANNÍS hefur haft umsjón með einu af þeim sex verkefnum sem að falla undir Sustainable Living undir heitinu Menntun til sjálfbærni, sem hefur það að markmiði að þróa samstarfsnet sem skoðar hvernig hægt er að innleiða sjálfbærnikennslu á öllum skólastigum.
Um ráðstefnuna:
- Hvenær: 15. október 2024.
- Hvar: Ráðstefnan fer fram bæði á staðnum í Stokkhólmi og í gegnum netið, svo allir geta tekið þátt, hvar sem þau eru stödd.
- Markmið: Að vekja athygli á sjálfbærum lífsstíl, fræða um áhrif hans og sýna hvernig hver og einn getur lagt sitt af mörkum til jákvæðra breytinga í samfélaginu.
- Skráning: Sustainable Living Summit: How you can act for change (ungpd.com)
Á Sustainable Living Summit munt þú fá tækifæri til að hlusta á framsækin fyrirlestur frá fræðimönnum, stefnumótendum og frumkvöðlum sem deila reynslu sinni og þekkingu á sviði sjálfbærs lífsstíls.
Þema ráðstefnunnar í ár snýr að því hvernig einstaklingar, samfélög og stofnanir geta stuðlað að sjálfbærri þróun með smáum, daglegum aðgerðum.
Dagskrá og áhersluatriði:
Dagskráin inniheldur spennandi fyrirlestra, vinnustofur og umræður þar sem þátttakendur fá að kynnast hagnýtum leiðum til að breyta lífsháttum sínum til að vera sjálfbærari. Þar verður fjallað um fjölbreytt málefni, svo sem;
- hvernig hægt er að draga úr matarsóun
- minnka kolefnisspor með einföldum breytingum í daglegu lífi
- og hvernig tækni og nýsköpun geta stuðlað að umhverfisvænni lausnum.
Af hverju að taka þátt?
Þessi ráðstefna er einstakt tækifæri til að fræðast um sjálfbæran lífsstíl og fá innblástur til að hefja eigin aðgerðir heima fyrir. Hvort sem þú ert einstaklingur sem vill breyta eigin venjum, kennari sem vill fræða næstu kynslóð, eða fulltrúi fyrirtækis sem vill innleiða sjálfbærar lausnir í starfsemi sína, þá mun þessi ráðstefna veita þér gagnlega innsýn og tengslanet með öðrum sem deila sömu áherslum.
Hvernig á að taka þátt:
Þú getur skráð þig til þátttöku í ráðstefnunni á heimasíðu Nordregio. Þátttaka er ókeypis og opin fyrir öll sem hafa áhuga á að læra meira um sjálfbæran lífsstíl og hvernig hægt er að stuðla að jákvæðum breytingum.
Ekki missa af þessu einstaka tækifæri til að læra, deila og verða hluti af hreyfingunni sem stuðlar að sjálfbærari framtíð. Kíktu á Nordregio til að skrá þig og fá nánari upplýsingar!
Gerum breytingu saman – taktu þátt í Sustainable Living Summit!
