Menningarstyrkir til Úkraínu
Umsóknarfrestur er til 6. febrúar 2025.
Framkvæmdastjórn ESB hefur ákveðið að stuðningur til úkraínska menningargeirans á árinu 2025 verður fimm milljónir evra. Stuðningur verður veittur til þriggja verkefna, eitt fyrir hvert eftirtalinna markmiða:
Stuðningur við úkraínska listamenn og menningarstofnanir til listsköpunar með samstarfsaðilum og úkraínskri list komið á framfæri í Úkraínu og til þátttökuþjóða Creative Europe.
Aðgengi aukið fyrir brottflutta Úkraínubúa að úkraínskri list og menningararfi.
Unnið að bataferli eftirstríðstíma fyrir úkraínska menningar- og listasviðið.
Einungis úkraínskar stofnanir og fyrirtæki geta tekið þátt en með evrópskri þátttöku. Markmiðið er að koma á framfæri fjölmenningu og auðvelda aðlögun brottfluttra í nýjum aðstæðum.
