Auglýsing um umsóknarfresti evrópskra samstarfsverkefna Creative Europe

6.1.2025

Leitað er eftir nýsköpun á öllum sviðum skapandi greina, til dæmis tækninýjungar og leiðir til að nálgast mismunandi markhópa, þjóðfélagshópa, dreifðar byggðir og miðlun milli landa í Evrópu.

1. Samstarfsverkefni (Small scale) minnst þrjú samstarfslönd og styrkur allt að 200.000 evrur, 80% framlag
   
   
2. Samstarfsverkefni (Medium scale) minnst fimm samstarfslönd og styrkur allt að 1.000.000 evrur, 70% framlag
   
   
3. Samstarfsverkefni (Large scale) minnst 10 samstarfslönd og styrkur allt að 2.000.000 evrur, 60% framlag.
   
   Verkefni geta varað í allt að 48 mánuði.
   
   

Nánari upplýsingar um umsóknarfresti

Fyrir hverja:

Stofnanir, félög og fyrirtæki á sviði menningar og skapandi greina. Verkefni hafi skýra evrópska tengingu/evrópska vídd, enda kjarni áætlunar.

Annað tveggja markmiða komi fram í verkefnisumsókn:

1. Evrópskt samstarf í sköpun og miðlun evrópskrar menningar og lista, auk þess að koma listafólki á framfæri landa á milli.
2. Nýsköpun, evrópskar skapandi greinar styrki og næri hæfileikafólk sem leiði til atvinnusköpunar og vaxtar.

Umsækjendur eru hvattir að til að hefja undirbúning sem fyrst vegna umsókna í sjóðinn. 

Ýmsar leiðir eru til að finna samstarfsfélaga, oft er tengslanet þegar til staðar en einnig er hægt að skoða þau verkefni sem hafa verið styrkt og leita þar að samstarfsfélögum:

Nánari upplýsingar um styrkt verkefni  

Þá er EEN Enterprise Europe Network með evrópska leitarsíðu fyrir lítil og meðalstór fyrirtæki

Leitarsíða EEN

Kynningarfundnir verða haldnir í byrjun febrúar og verða auglýstir þegar nær dregur.