Nýsköpunarverðlaun Íslands
Nýsköpunarverðlaun Íslands eru veitt árlega á Nýsköpunarþingi.
Verðlaunin voru fyrst veitt árið 1994 á Nýsköpunarþingi. Verðlaunin eru veitt til fyrirtækja sem þykja hafa skarað fram úr í þróun nýrrar vöru eða þjónustu, sem byggð er á rannsóknar- og nýsköpunarstarfi og náð hefur árangri á markaði. Tilgangur verðlaunanna er að vekja athygli á þeim mikilvægu tengslum sem eru á milli rannsókna og þekkingaröflunar og aukinnar verðmætasköpunar í atvinnulífinu. Verðlaunagripurinn er stytta af frjósemisgoðinu Frey eftir Hallstein Sigurðsson myndhöggvara.
Nýsköpunarverðlaun Íslands hafa verið veitt eftirtöldum fyrirtækjum:
- 2024 Carbfix
- 2023 Payanalytics
- 2022 Sidekick Health
- 2021 Lauf Forks
- 2020 Controlant
- 2019 Curio
- 2018 Kerecis
- 2017 Skaginn hf.
- 2016 Dohop
- 2015 Zymetech
- 2014 Meniga
- 2013 Valka
- 2012 Primex
- 2011 Mentor
- 2010 Nox Medical
- 2009 Mentis Cura
- 2008 ORF líftækni
- 2007 Hafmynd
- 2006 Stjörnu-Oddi
- 2005 CCP
- 2004 Lyfjaþróun
- 2003 Altech JHM
- 2002 Stofnfiskur
- 2001 Fiskeldi Eyjafjarðar
- 2000 Bláa Lónið
- 1999 Flaga
- 1998 Íslensk erfðagreining
- 1997 Hugvit
- 1994 Vaki fiskeldiskerfi
Verðlaunagripurinn
Hallsteinn Sigurðsson myndhöggvari er höfundur verðlaunagripsins sem er höggmynd af goðinu Frey, guði frjósemi og jarðargróðurs. Norræn goðafræði hefur lengi verið Hallsteini hugleikin og hefur hann oft sótt hugmyndir þangað við listsköpun sína.
Um Frey segir svo í Snorra-Eddu: „Freyr er hinn ágætasti af ásum. Hann ræður fyrir regni og skini sólar og þar með ávexti jarðar og á hann er gott að heita til árs og friðar. Hann ræður fésælu manna." Freyr var guð landbúnaðar og frjósemi manna og dýra. Hann virðist hafa verið tignaður næst á eftir Þór.
