Nýsköpunarþing 2024 - Markaðsmálin
Rannís, Hugverkastofan, Íslandsstofa og Nýsköpunarsjóður atvinnulífsins bjóða til Nýsköpunarþings 2024 í Grósku 22. október kl. 14:00-15:30.
Á þinginu verður sjónum beint að sölu- og markaðsmálum íslenskrar nýsköpunar á erlendum mörkuðum.
Hvað þarf til, til að ná árangri á alþjóðlegum mörkuðum? Er rétt fyrir íslensk fyrirtæki að flagga íslenskum uppruna? Leggja íslensk fyrirtæki næga áherslu á sölu- og markaðsmál og uppbyggingu vörumerkja? Til að svara þessum spurningum og fleirum munu aðilar úr íslensku og alþjóðlegu markaðs- og nýsköpunarumhverfi deila reynslu af sölu- og markaðsstarfi á erlendum mörkuðum.
Í lok þingsins mun Áslaug Arna Sigurbjörnsdóttir, háskóla-, iðnaðar- og nýsköpunarráðherra, veita Nýsköpunarverðlaun Íslands 2024.
Að dagskrá lokinni verður boðið upp á léttar veitingar.
Öll velkomin.
Dagskrá:
- 14:00 Setning
- Áslaug Arna Sigurbjörnsdóttir, háskóla-, iðnaðar- og nýsköpunarráðherra
- 14:10 Erindi
- Fura Ösp Jóhannesdóttir, sjálfstæður ráðgjafi og stjórnarformaður Brandenburg
- Bolli Thoroddsen, meðstofnandi Trip To Japan
- Karl Birgir Björnsson, framkvæmdastjóri og meðstofnandi Hefring Marine
- María Rut Reynisdóttir, framkvæmdastjóri Tónlistarmiðstöðvar
- 15:00 Pallborð með þátttöku fyrirlesara
- 15:15 Afhending
Nýsköpunarverðlauna Íslands 2024
- Áslaug Arna Sigurbjörnsdóttir, háskóla-, iðnaðar- og nýsköpunarráðherra
- 15:30 Léttar veitingar og spjall í miðrými Grósku
Fundarstjóri: Sigríður Dögg Guðmundsdóttir, forstöðumaður útflutnings og fjárfestinga hjá Íslandsstofu.
