SLING - lykilsamskiptatæki á snjallsímum fyrir innri samskipti og upplýsingaflæði fyrirtækja - verkefnislok
Fréttatilkynning verkefnisstjóra
Sling er vaktaskipulags- og samskiptahugbúnaður sem gerir stjórnendum kleift að skipuleggja reksturinn á einum stað fyrir starfsfólk á ferðinni.
Sling er vaktaskipulags- og samskiptahugbúnaður sem gerir
stjórnendum kleift að skipuleggja reksturinn á einum stað fyrir starfsfólk á
ferðinni. Sling hefur verið í þróun af Gangverki hugbúnaðarhúsi frá árinu 2012,
en fyrirtækið var stofnað af reyndum hugbúnaðar- og viðskiptasérfræðingum sem
hafa síðastliðinn áratug unnið við hönnun og þróun hugbúnaðar.
Heiti verkefnis: SLING -
lykilsamskiptatæki á snjallsímum fyrir innri samskipti og upplýsingaflæði
fyrirtækja
Verkefnisstjóri: Helgi Steinar Hermannsson, Gangverki ehf.
Tegund styrks: Verkefnisstyrkur
Styrkár: 2014-2016
Fjárhæð styrks: 37,5 millj. kr. alls
Tilvísunarnúmer Rannís: 142680
VERKEFNIÐ VAR STYRKT AF TÆKNIÞRÓUNARSJÓÐI.
Með verkefnissstyrk frá Tækniþróunarsjóði var Gangverki gert kleift að þróa Sling-kerfið og sækja frekari fjármögnun fyrir verkefnið. Kerfið hefur verið gefið út fyrir iOS og Android og er notað af fjölda fyrirtækja í Bandaríkjunum og á Íslandi auk þess sem náðst hafa samstarfssamningar við stóra þjónustuaðila í verslunar- og veitingaiðnaði í Bandaríkjunum sem bjóða kerfin sem hluta af sínu þjónustuframboði. Þá var gerður 2,5 milljón dollara samningur við bandaríska fyrirtækið Snaggajob árið 2016 sem fól í sér þróun á “white-label”-lausn sem Snaggajob bætti við sitt vöruúrval. Yfir 90% notenda kerfisins eru í Bandaríkjunum auk þess sem 25 ný störf hafa skapast vegna verkefnisins. Sling hefur því skilað töluverðum verðmætum til íslensks samfélags og mun halda því áfram í náinni framtíð með frekari þróun kerfisins sem og þróun afleiddra vara sem verða til vegna verkefnisins.
Afrakstur verkefnisins
- Sling í
notkun á alþjóðamarkaði með yfir 107.000 notendur.
- Samstarfssamningar
við þrjá birgja sem samtals þjónusta hátt í 600.000 veitingastaði í
Bandaríkjunum.
- 2 milljóna dollara white-label-samningur við Snaggajob í Bandaríkjunum.
- Vörumerkjavernd
á Íslandi og undirbúningur hafinn fyrir alþjóðlega vörumerkjavernd
- Markaðsgreining
og áætlun
- Fjárfestakynning
fyrir næsta stig fjármögnunar