spurningar
Tækniþróunarsjóður
• Algengar spurningar um sjóðinn og úthlutun úr sjóðnum •
• Algengar spurningar varðandi viðurkenndan kostnað •
1. Hvert er hlutverk Tækniþróunarsjóðs?
Hlutverk sjóðsins er að styðja þróunarstarf og rannsóknir á sviði tækniþróunar sem miða að nýsköpun í íslensku atvinnulífi. Hann á að efla samkeppnishæfni íslensks atvinnulífs og stuðla að verðmætasköpun með nýrri vöru eða þjónustu á markaði. Sjóðnum er heimilt að fjármagna nýsköpunarverkefni í samræmi við meginstefnu Vísinda- og tækniráðs.
Tækniþróunarsjóður heyrir undir iðnaðarráðherra. Hann starfar samkvæmt lögum um opinberan stuðning við tækniþróun og nýsköpun í þágu atvinnulífsins, nr. 75/2007.
2. Hvaða styrkir eru í boði í Tækniþróunarsjóði?
Verkefnisstyrkir
Almennir verkefnisstyrkir eru til allt að 3ja ára og að hámarki 10 milljónir króna á ári. Krafist er 50% mótframlags umsækjenda.
Frumherjastyrkir
Frumherjastyrkir eru sniðnir að þörfum sprotafyrirtækja og frumkvöðla með verkefni á byrjunarstigi. Frumherjinn er sjálfur í fyrirrúmi og hefur stofnað eða stefnir að því að stofna fyrirtæki um hugmynd sína.
Frumherjastyrkir eru til allt að 2ja ára að hámarki 5 milljónir króna á ári. Krafist er 25% mótframlags umsækjenda.
Brúarstyrkir; innviðir og markaðssetning
Brúarstyrkir eru sniðnir að þörfum fyrirtækja sem eru að komast á legg. Fyrirtæki geta sótt um styrk fyrir uppbygging innviða og/eða sérstaks markaðsátaks sem að öllu jöfnu tengist undangenginni vöruþróun í tengslum við rannsóknar- og þróunarstarf fyrir sömu afurðir.
Brúarstyrkir eru ætlaðir fyrirtækjum sem eru með ársveltu undir 100 milljónum króna.
Brúarstyrkir eru til eins árs að hámarki 5 milljónir króna. Krafist er 50% mótframlags umsækjenda.
3. Hver er hámarksupphæð styrkja og hversu hátt hlutfall af heildarkostnaði styrkir sjóðurinn?
Almennir verkefnisstyrkir eru til allt að 3ja ára og að hámarki 10 milljónir króna á ári. Krafist er 50% mótframlags umsækjenda.
Frumherjastyrkir eru til allt að 2ja ára að hámarki 5 milljónir króna á ári. Krafist er 25% mótframlags umsækjenda.
Brúarstyrkir eru til eins árs að hámarki 5 milljónir króna. Krafist er 50% mótframlags umsækjenda.
Reglur um viðurkenndan kostnað má sjá í Leiðbeiningum Tækniþróunarsjóðs.
4. Getur sami aðili sótt um fleiri en einn styrk sem verkefnisstjóri?
Já, sami aðili getur sótt um fleiri en einn styrk sem verkefnisstjóri að því gefnu að starfshlutfall verkefnisstjórans fari ekki yfir 100%.
5. Hvernær rennur út frestur til að skila umsókn?
Umsóknarfrestur er tvisvar á ári, 15. febrúar og 15. september. Næsti umsóknarfrestur er til kl 17.00 þann 15. febrúar 2010.
6. Er hægt að sækja um frest til að skila umsókn?
Nei, ekki hægt að sækja um frest til að skila umsókn.
7. Hvernig er sótt um styrk til Tækniþróunarsjóðs? (á ekki við um forverkefnisstyrki)
Umsóknargögn eru sett fram á vef Rannís. Sjá umsóknargögn.
Umsóknir eru á rafræni formi og fela í sér rafræna skárningu þar sem koma eiga fram helstu upplýsingar um verkefnisstjóra og umsækjendur ásamt lykiltölum í kostnaði verkefnisins sem sótt er um. Ennfremur skal hengja við, sem fylgiskjöl, í rafræna skráningarblaðið Drög að viðskiptaáætlun (word skjal) og Kostnaðaráætlun (excel skjal). Ef þessi skjöl fylgja ekki með er umsókninni hafnað án mats fagráðs.
Æskilegt er að umsækjendur ljúki við skjölin Drög að viðskiptaáætlun og Kostnaðaráætlun áður en rafræn skráning er gerð.
8. Hvað er rafræn skráning umsókna og hvaða fylgigögnum á að skila með umsóknum?
Umsóknir til Tækniþróunarsjóðs eru á rafræni formi og fela í sér rafræna skárningu. Hlekkur á rafrænu skráninguna er neðst í umsóknargögn.
Til að hefja rafræna skráningu þarf að nýskrá sig inn á vefinn. Þegar skráningu er lokið veljið þá viðeigandi eyðublað. Nauðsynlegt er að fylla skilmerkilega í alla viðeigandi reiti í eyðublaðinu. Hér eiga að koma fram helstu upplýsingar um verkefnisstjóra og umsækjendur ásamt lykiltölum í kostnaði verkefnisins sem sótt er um. Ennfremur skal hengja við, sem fylgiskjöl, í rafræna skráningarblaðið Drög að viðskiptaáætlun (word skjal) og Kostnaðaráætlun (excel skjal). Ef þessi skjöl fylgja ekki með er umsókninni hafnað án mats fagráðs.
Önnur fylgigögn mega fylgja með í rafrænu skráningunni s.s. CV, viðskiptaáætlanir, árskýrsla.
9. Má skrifa umsókn á ensku?
Já, það má skila inn umsóknum á ensku. Heiti verkefnis og lýsing á verkefni í hnotskurn þarf að vera bæði á íslensku og ensku.
10. Hvernig er mati nýrra umsókna háttað?
Fagráð annast faglegt mat á umsóknum og gefur umsókn einkunn út frá þeim þáttum sem lýst er í matsblaði. Hægt er að nálgast matsblað fagráða hér. Þetta mat verður grundvöllur að niðurröðun umsókna. Nánari upplýsingar um reglur um fagráð er að finna á heimasíðu Rannís. Fagráði er heimilt að hafna ófullkomnum umsóknum án mats.
Stjórn Tækniþróunarsjóðs fær til umfjöllunar þær umsóknir sem hafa hlotið hæst mat fagráðs. Aðrar umsóknir eru kynntar fyrir stjórninni og getur hún tekið þær til nánari skoðunar og endurmats ef tilefni er til þess.
Ákvarðanir stjórnar Tækniþróunarsjóðs um styrki eru endanlegar á stjórnsýslustigi sbr. 13. gr. laga nr. 75/2007.
11. Hvernær er úthlutað?
Úthlutun liggur venjulega fyrir 2-2½ mánuðum eftir að umsóknarfresti lýkur.
12. Hvernig er samningi um framkvæmd verkefna og eignarétti á niðurstöðum háttað?
Að úthlutun lokinni eru verkefnisstjórar þeirra verkefna sem hljóta framgang boðaðir til samningafundar hjá starfsmönnum Rannís. Tækniþróunarsjóður gerir samninga um framkvæmd verkefna þar sem hlutverkaskipti sjóðsins og þeirra er hljóta framlag eru skilgreind. Verkefnisstjóri ber ábyrgð gagnvart Tækniþróunarsjóði á framkvæmd samningsins, jafnt fjárhagslega sem verklega.
Þátttakendur í samstarfsverkefnum sem studd eru af sjóðnum skulu gera samning sín í milli um eignar- og nýtingarrétt á niðurstöðum, ef um er að ræða fleiri en einn umsækjanda. Hægt er að fá drög að slíkum samningi hjá starfsmönnum Rannís.
13. Hvernig er eftirfylgni og greiðslum til verkefna háttað?
Rannís annast eftirfylgni verkefna og greiðslur framlaga í umboði stjórnar Tækniþróunarsjóðs. Við eftirfylgni samþykktra verksamninga notar Tækniþróunarsjóður (Rannís) þrjár tegundir skýrslna auk samnings: Framvinduskýrslur, áfangaskýrslur og lokaskýrslur. Hægt er að ná í eyðublöðin hér. Sjá nánar um skýrslurnar í Leiðbeiningum Tækniþróunarsjóðs.
Greiðslur úr Tækniþróunarsjóði eru háðar framvindu verkefnanna samkvæmt skýrslum og mati Rannís.
Framlög til verkefna
Sé ekki um annað samið er framlag greitt í þrennu lagi:
1.greiðsla - 40% þegar samningur er undirritaður ef um nýtt verkefni er að ræða. Sama gildir um framhaldsverkefni að því tilskyldu að skilað hafi verið áfangaskýrslu fyrra árs.
2.greiðsla - 40% þegar framvinduskýrsla hefur verið samþykkt. Skilafrestur er tilgreindur í samningi.
3.greiðsla - 20% þegar lokaskýrsla hefur verið samþykkt eða áfangaskýrsla samþykkt sé um framhaldsverkefni að ræða. Skilafrestur er tilgreindur í samningi.
14. Hvað eru forverkefnisstyrkir og hvernig er sótt um þá?
Tilgangur forverkefna er að undirbúa og kanna forsendur nýrra verkefna og til að undirbúa undirbúa umsókn í Tækniþróunarsjóð. Enginn sérstakur umsóknarfrestur er tilgreindur. Umsóknir eru að öllu jöfnu afgreiddar þrisvar á ári. Stjórn sjóðsins mun leggja mat á fýsileika umsókna með reglulegu millibili.
Upphæð hvers framlags til forverkefnis getur að hámarki orðið 1.000 þús. kr. gegn jafnháu framlagi umsækjanda og verkefninu skal ljúka innan 6 mánaða frá samþykkt stjórnar sjóðsins.
Sjá frekar um styrkhæfi í Leiðbeiningum Tækniþróunarsjóðs.
Eyðublað fyrir forverkefni má nálgast hér.
Sé ekki um annað samið eru slík framlög greidd í tvennu lagi:
1. greiðsla - 50% þegar undirrituðum samningi er skilað til Rannís.
2. greiðsla - 50% þegar lokaskýrsla er samþykkt.
15. Hvaða grundvöll á að nota til að reikna út launakostnað?
Lagður er til grundvallar sá tími sem starfsmenn (þátttakendur) vinna í verkefninu.
- Umsækjendur skulu hafa til hliðsjónar almenna kjarasamninga og stofnanasamninga við útreikning launa.
- Launakostnaður miðast við útborguð laun að viðbættum launatengdum gjöldum.
- Ekki er hægt að nota útseldan taxta til viðmiðunar við útreikning launa.
16. Styður sjóðurinn tækjakaup?
Sjóðurinn styður ekki kaup á tækjum og búnaði. En sjóðurinn getur tekið þátt í að greiða kostnað vegna afskrifta sérhæfðra tækja og búnaðar sem afla þarf vegna verkefnis. Þessi stuðningur nær þó ekki til almennra skrifstofu- og rannsóknartækja. Gera þarf ljósa grein fyrir þörfinni á umræddum tækjum og búnaði og skýra hvers vegna umræddur kostur er valinn.
Undanþágu frá þessari reglu má gera ef um er að ræða tilraunaframleiðslu í fyrirtækjum sem ekki eiga kost á styrk úr Tækjasjóði og framgangur verkefnisins er algjörlega háður tilteknum sérhæfðum búnaði.
Athugið að sjóðurinn fjármagnar ekki
- Fjárfestingu í hráefnum þ.m.t. tækjum og búnaði sem eru hlutar af afurð eða þjónustu sem ætluð er til sölu.
- Fjárfestingu í sjálfu framleiðsluferlinu og umhverfi þeirra þ.m.t. húsnæði og tækjabúnaði til framleiðslu afurða og þjónustu sem ætluð er til sölu.
17. Styður sjóðurinn umsókn um einkaleyfi?
Sjóðurinn styður ekki umsóknir um einkaleyfi í einstökum löndum en hann styður mat á nýnæmi og einkaleyfishæfni og umsóknir til EPO (Evrópsku einkaleyfastofunnar) eða ELS (Einkaleyfastofunnar).
18. Styður sjóðurinn markaðsátak/uppbyggingu innviða fyrirtækja?
Já, sjóðurinn styður markaðsátak og uppbyggingu innviða fyrirtækja með tvennum hætti í gegnum brúarstyrki og verkefnisstyrki. Sjá nánar um brúarstyrki hér. Fyrir verkefnisstyrki hefur reglum um viðurkenndan kostnað við undirbúning markaðsfærslu og sölustarfsemi verið rýmkaðar þannig að fyrir verkefnastyrki má færa kostnað allt að 10 milljónir vegna uppbyggingu innri starfsemi, sem er nauðsynleg til frekari framrásar og aðkomu fjárfesta, dæmi um það er markaðssókn, gæðakerfi og t.d. skipulag framleiðslu í litlum þróunar-/sprotafyrirtækjum. Til nánari skýringar má sjá mynd á bls 65 í skýrslu Vísinda- og tækniráðs af haustfundi 2007: http://www.rannis.is/files/Alyktun%20V&t%2018des07_310582766.pdf
