Niðurstöður verkefnisins sýna að sú aðferð sem þróuð var í verkefninu nýtist vel til að framleiða lífræna bragðkjarna sem hafa þá eiginleika (bragð, lit og geymsluþol) sem leitast var eftir. Bragðkjarnarnir voru notaðir til að framleiða sósur og súpur og var gerður góður rómur að þessum vörum.
Verkefnisstjóri var Hjörleifur Einarsson, Háskólanum á Akureyri.

 

Heiti verkefnis: Þangbót - lífrænar markaðsvörur úr þangi og þara
Verkefnisstjóri: Hjörleifur Einarsson, Háskólanum á Akureyri, hei()unak.is
Tegund styrks: Verkefnisstyrkur
Styrkár: 2005-2006
Fjárhæð styrks: 6,5 millj. kr.
Tilvísunarnúmer Rannís: 051367

 

VERKEFNIÐ VAR STYRKT AF TÆKNIÞRÓUNARSJÓÐI. 

 

Nýting stórþörunga  (þangs og þara) á sér langa sögu um víða veröld.  Á Íslandi er þessi saga styttri og nýting þörunga frekar takmörkuð. Þörungar eru víða nýttir beint til matar, sem bindiefni í mat, en einnig eru þeir nýttir sem dýrafóður og til áburðar á akra. Íslendingar þekkja helst söl til slíkra nota og hér hefur þang hefur verið borið beint á akra. Framleiðsla á lífrænu þangmjöli hefur verið stunduð á Íslandi um alllangt skeið í Þörungaverksmiðjunni á Reykhólum.

 

Mikill áhugi er á að nýra enn frekar þörunga en hingað til hefur verið gert. Þessi áhugi kemur bæði frá matvælaframleiðendum sem eru að leita eftir nýju hráefni til framleiðslu sína og frá aðilum sem stunda lífræna ræktun hvort sem er á grænmeti eða húsdýrum.

 

Markmið þessa verkefnis var að þróa framleiðsluferil og frumgerðir að tveimur lífrænum vörulínum úr stórþörungum ( þangi og þara). Þessar vörulínur voru annars vegar bragðkjarnar og hins vegar áburður. Framleiðsluferli það sem þróað var byggði á því að nota ensímblöndur til að brjóta upp hráefnið. Einnig var notast við hefðbundnari aðferðir svo sem að hita hráefnið í lút og síðan í sýru. Við framleiðslu bragðkjarna var lausnin þétt frekar og söltuð til að tryggja öryggi hennar og geymsluþol. Við framleiðslu áburðarþykkni var lausnin þétt og sett sjóðheit í geymsluumbúðir til að auka geymsluþolið. Sýnishorn voru send til aðila erlendis.

 

Niðurstöður verkefnisins sýna að sú aðferð sem þróuð var í verkefninu nýtist vel til að framleiða lífræna bragðkjarna sem hafa þá eiginleika (bragð, lit og geymsluþol) sem leitast var eftir. Bragðkjarnarnir voru notaðir til að framleiða sósur og súpur og var gerður góður rómur að þessum vörum.

 

Þá sýndu niðurstöður verkefnisins einnig að fyrir utan ýmis algeng næringarefni inniheldur þarinn cytokinin plöntuhormón nokkuð sem ekki hefur verið staðfest áður um íslenska þörunga.

 

Ávinningur verkefnisins fellst í því að sýnt hefur verið fram á nýja nýtingarmöguleika fyrir þörunga og ætla má að framleiðsla á nýjum afurðum geti hafist á næstu misserum.

 

Búið er að stofna nýtt fyrirtæki sem m.a. framleiðir súpur þar sem bragðkjarnarnir verða notaðir.

 

Gerð hefur verið viðskiptaáætlun um rekstur fyrirtækis sem ætlað er að framleiða vörur byggðar á þeim frumgerðum sem þróaðar voru í verkefninu. Gert er ráð fyrir að hefja megi rekstur fyrirtækis á grundvelli hennar haustið 2010.

 

 

Afrakstur verkefnisins

 

Helsti afrakstur verkefnisins eru frumgerðir að tveimur vörulínum annars vegar lífrænir bragðkjarnar og hins vegar þörungaþykkni til framleiðslu á lífrænum áburði.

Hjörleifur Einarsson (2009). Sjávargróður í mat og fóður. Rit auðlindadeildar Háskólinn á Akureyri

Halldór Sigurðsson (2009). BUSINESS PLAN for Organic Liquid Seaweed Manufacturing,

Ásta Ásmundsdóttir og Hjörleifur Einarsson (2009). Þörungar sem andoxunarefni. Handrit, Háskólinn á Akureyri

Hjörleifur Einarsson, Arnheiður Eyþórsdóttir and Steindór Haraldsson (2008) "Functional ingredients from marine biota", First North Carolina Marine Biotechnology Symposium, Wrightsville Beach NC USA,  22. okt.

Hanna Líba Grosman (2008). Isolation and detection of cytokinins in a seaweed extract. Handrit, Háskólinn á Akureyri.

Hjörleifur Einarsson, Arnheiður Eyþórsdóttir og Steindór Haraldsson (2007).. "Active ingredients from marine biota". 52^nd AFTC Annual Conference. Enhancing Seafood Choices: Quality, Technology and Products. Portland Maine, USA, 4-7 November 2007.

Hjörleifur Einarsson (2007) "Bioprospecting for active ingredients from marine biota" Value Creation and Innovation SINTEF-HA workshop Hotel KEA 11 og 12 okt.

Hjörleifur Einarsson (2007) Sjávarlíftækni - Staða og framtíð. Ráðstefna um stöðu og framtíð líftækni á Íslandi, Akureyri 16.nóv.

Guðný Júlíana Jóhannsdóttir (2007). Þangbót - Niðurbrot á alginati með örverum úr sjó. Lokaverkefni, Háskólinn á Akureyri

Sabine Huyer (2007). Isolation and quantification of cytokinin. Verkefnisskýrsla. Háskólinn á Akureyri