Þróunarsjóður EFTA

Þróunarsjóður EFTA var stofnaður í þeim tilgangi að vinna gegn efnahags- og félagslegum mismun í þeim ríkjum sem aðstoðina þiggja. Heildarupphæð sem varið verður til styrkja á árunum 2009 - 2014 er 1,79 milljarðar evra.

Styrkir skiptast í tvennt:

• Rannsóknastyrkir  sem sex ríki geta sótt um: Eistland, Lettland, Litháen, Pólland, Rúmenía og Ungverjaland. Af þessum löndum eiga Íslendingar aðgang að styrkjum til rannsókna í Rúmeníu. 
• Menntunar - og samskiptastyrkir. Styrktarríkin í þessum hluta eru: Spánn, Búlgaría, Rúmenía, Slóvenía, Slóvakía, Tékkland, Ungverjaland, Pólland, Litháen, Lettland og Eistland. Íslendingar eiga aðild að allri þessari áætlun.

Hvert styrktarland setur fram og rekur sína áætlun. Það þýðir að formlega verða fyrirtæki og stofnanir í þessum löndum að vera í forsvari fyrir umsókn um styrk til stjórnvalda í sínu landi.  Í samræmi við stefnuskrá sjóðsins er skilyrði fyrir styrkveitingu að verkefnið sé  a.m.k tvíhliða, þ.e. þátttaka stofnana frá einu eða fleirum EFTA ríkja er skilyrði. Tekið skal fram að kostnaður stofnana frá EFTA ríkjum er greiddur í samræmi við þátt þeirra  í verkefnunum og verðlag í viðkomandi ríki.

Íslensk fyrirtæki  og stofnanir eru hvattar til að skoða vel hugsanleg viðskiptatækifæri og samstarfsverkefni sem í boði eru í þessum löndum. Áreiðanlegir samstarfsaðilar og vel gerð umsókn eru mikilvægir þættir í því ferli sem felst í að sækja um styrk til Þróunarsjóðs EFTA.

Hér er tengill í heimasíðu Þróunarsjóðs EFTA í Brussel.