Norræna nýsköpunarmiðstöðin

Norræna nýsköpunarmiðstöðin

Norræna nýsköpunarmiðstöðin (Nordisk InnovationsCenter - NICe) tók til starfa 1. janúar 2004. Stofnunin sameinar starfsemi Norræna iðnaðarsjóðsins (Nordisk Industrifond) og Norrænu prófunarstofunnar(Nordtest). Hlutverk Norrænu nýsköpunarmiðstöðvarinnar mun m.a. felast í því að stuðla að sameiginlegum þekkingarmarkaði á Norðurlöndum, aukinni nýsköpun og samkeppnishæfara atvinnulífi. Stofnunin vinnur að því að Norðurlöndin verði hindrunarlaus innri markaður fyrir frjálsan flutning þekkingar, hæfni, hugmynda, fjármagns, fólks og afurða. Lögð verður áhersla á að styrkja samkeppnishæfni Norðurlandanna með því að byggja þau upp sem eina samstæða heild.