Alþjóðastarf

Kynning á orkuáætlun 7.rá verður haldin á Grand Hótel Reykjavík þriðjudaginn 14. september kl. 9:00-11:30. Húsið opnar kl. 8:40 með morgunverði fyrir gesti fundarins.

Kynning á heilbrigðisvísindaáætlun 7.rá verður haldin á Grand Hótel Reykjavík fimmtudaginn 2. september kl. 9:00-11:00. Húsið opnar kl. 8:40 með morgunverði fyrir gesti fundarins.

Rannís og Rannsóknasjóður hafa hlotið 110 milljóna króna styrk úr Rannsóknaáætlun Evrópusambandsins. Féð verður nýtt til að fjármagna rannsóknastöðustyrki í samstarfi við stofnanir eða fyrirtæki hér á landi.

Evrópusambandið hefur nú birt allar vinnuáætlanir 7. rannsóknaáætlunar sambandsins fyrir árið 2011. Þar má sjá hvers konar rannsóknarverkefni verða styrkt árið 2011, umsóknarfresti o.fl. Starfsfólk Rannís mun veita frekari upplýsingar eftir 9. ágúst, að loknum sumarleyfum.

Námskeið fyrir alla sem aðstoða vísindamenn, háskóla, fyrirtæki og stofnanir við umsóknargerð í 7. rá verður haldið 18. ágúst 2010 kl. 9:00-15:30 í húsnæði Endurmenntunar Háskóla Íslands við Dunhaga í Reykjavík. Leiðbeinandi Sean McCarthy.

Næsti umsóknarfrestur heimkomustyrkja (Reingration Grants) í Mannauðsáætlun 7. rannsóknaáætlunar (People) verður 7. september 2010. Styrkirnir henta sérstaklega vel þeim sem hafa lokið doktorsgráðu og/eða starfað að rannsóknum utan Evrópu um nokkurra ára skeið.

Matís hefur nýlega fengið úthlutun úr 7. rannsóknaáætlun ESB til að stýra tveimur stórum rannsóknaverkefnum. Rannís óskar Matís til hamingju með árangurinn. Nánar hér.

Vísindavaka 2010 - stefnumót við fræðimenn verður haldin föstudaginn 24. september nk. í Listasafni Reykjavíkur. Stofnanir, háskólar og fyrirtæki sem hafa áhuga á að vera með sýningarbás á Vísindavökunni geta nálgast kynningarbréf og skráningarblað hér.

Þrjátíu ný COST verkefni hafa verið samþykkt og nú er tækifæri til að óska eftir að komast inn í verkefnin. Tilgangur COST verkefna er að byggja upp samstarfsnet á ákveðnum rannsóknasviðum og er aðkoma að þeim einföld og opin fyrsta ár verkefnsins. COST greiðir fyrir kostnað vegna ferða og ráðstefnuhalds en ekki fyrir kostnað við rannsóknaverkefnin sjálf. Þátttaka í COST hefur oft leitt til áframhaldandi samstarfs í stærri verkefnum. HÉR er að finna upplýsingar um verkefni sem hafa nýlega verið samþykkt.

Minnum á Rannsóknaþing 2010 og afhendingu Hvatningarverðlauna Vísinda- og tækniráðs fimmtudaginn 27. maí nk. Dagskráin hér. Skráning á rannis@rannis.is eða í síma 515 5800.